Hobbies
. baschtle
. spille
. spörtle
Uusbildig:
Spielgruppe dinne und im Wald und ändlich au im Chindergarte.
Zum Aesse
Alli Pasta, Spinat, Mandarinli und Banane, Schoggi und Glacé (aber bitte kei Schoggiglacé) und immer wider Süesses.
Nach em Chindsgi spill ich gern mit de Auto, Duplo und Lego, Puzzles und bsunders gern spill ich mit minere Schwöschter Sara. Und je länger je meh tuen ich gern baschtle. Immer los ich e Gschicht oder Musig. D'Gschichte chan ich dänn Wort für Wort em Mami verzelle, dänn muess sie nöd CD lose. Und ändlich klappets au meh oder weniger guet mit Läse, so chan ich de Gheimnis vo mine ville Büecher uf de Grund gah.
Sportlich bin ich au:
Velofahre und Tanze, Schiifahre und Schliefschüenle tuen ich gern. Im HipHop han ich scho e paar Uuftritte gha und im Chindertanze han ich im Musigtheater "Tranquilla Trampeltreu" mitgmacht.
Mini Lieblings
. Farb isch Orange
. Gschicht isch Sissi und alles wo susch na mit Prinzässinne z'tue hät
. Musig mached d'Daniela und de Piero vo MusicStars und de Andrew Bond
Bi de Lieblingstier bin ich na e chli unschlüssig:
. Delfin und
. Rössli und
. Büsi, bsunders de Minou und
. de Jerry, de Hund vo de Nonna und em Nonno
Wänn s'Mami und de Papi wider emal Rächt händ und wänn s'Mami mit em Staubsuuger dur s'Huus düsed, das gheisst nämlich uufrume, suscht flügt was ume liit.